JÓLAGLEÐI

– Hátíðlegar jólahefðir í einstöku umhverfi

Á Hótel Varmalandi er aðventan tími góðra hefða, samveru og hátíðlegra veisluhalda. Árlega bjóðum við upp á jólahlaðborð sem eru löngu orðin órjúfanlegur hluti af jólaundirbúningi margra gesta okkar. Jólahlaðborðin eru vandlega unnin af okkar færustu matreiðslumönnum, sem leggja metnað í að færa fram réttina með hlýju og alúð – allt frá klassískum jólaréttum yfir í ljúffengar nýjungar.

Hluti af jólahefðum okkar er að Hollvinafélag Varmalands gefur okkur árlega fallegt jólatré úr Varmalandi, sem við skreytum með hlýlegum ljósum og prýðum anddyri hótelsins. Jólatréð minnir á tengslin við samfélagið og náttúruna, og vekur upp hátíðlega og notalega stemningu fyrir gesti sem stíga inn í jóladýrðina á Varmalandi.

Desember í Varmalandi er einstakur – náttúran skartar sínu fegursta með snævi þöktum fjöllum, hreinum vetrarhimni og norðurljósum sem gægjast yfir Borgarfjörðinn. Þetta einstaka umhverfi skapar friðsælan og töfrandi ramma utan um hátíðarhöldin, þar sem hægt er að njóta jólastemningarinnar í allri sinni dýrð.

Komdu í Varmaland og njóttu sannrar jólaupplifunar, þar sem hefðir og hátíðarstemning sameinast í töfrandi umhverfi.